აღწერილობა: მრავალწლიანი ბალახოვანი მცენარეა. ღერო მარტივი ან ზემოთა ნაწილში დატოტვილია, სიმაღლით 80 სმ-მდე. ფოთლები მორიგეობით განლაგებული, ზემოდან შიშველი, ქვემოდან – მოთეთრო-ნაბდისებური, წაგრძელებულია. ყვავილები მილისებრი, ცისფერია, შეკრებილია 3-4 სმ დიამეტრის მსხვილ სფეროსებურ თავთავში.

ლათინური დასახელება: Echnops colchicus.

გავრცელება: იმერეთში გვხვდება დაბლობიდან საშუალო სიმაღლის მთიან სარტყელამდე.

სამკურნალო ნედლეული: თავკომბალას ნაყოფები და ყვავილები

ქიმიური შემადგენლობა: შეიცავს ალკალოიდებს, უმთავრესად ეხინოპსინს.

გამოყენება: მედიცინაში ეხინოპსინის ნიტრატს იყენებენ პერიფერული და ცენტრალური მამოძრავევბელი ნერვის დაზიანებისას, სახის ნერვის პერიფერიული დამბლის, პოლიომიელიტის შედეგების სამკურნალოდ. თავკომბალას ყვავილების ნაყენს და გამონახარშს აძლევენ როგორც გამაგრილებელ საშუალებას საჯდომი ნერვის დაავადების შემდგომ პერიოდში, გაფანტული სკლეროზისა და შაკიკის დროს.

© საქართველოს მეცნიერებათა აკადემიის ქუთაისის სამეცნიერო ცენტრი. 2003.