აღწერილობა: მრავალწლიანი ბალახოვანი მცენარეა, მცოცავი, ღრმად ჩაფლული, რუხი-მოშავო ფესურით, ღერო ორგვარია: გენერაციული და ვეგეტაციური. გენერაციული ადრე გაზაფხულზე ამოდის, იგი სპორის მატარებელია და მათი შემოსვლის შემდეგ კვდება, ფერით რუხი-მოყავისფროა, დაუტოტავი, სიმაღლით 7-25 სმ. სპორები სფეროსებრია, მომწვანო, ორი დაგრეხილი დანამატით, შემოდის აპრილ-მაისში. ვეგეტაციური ღერო გვიან ამოდის, იგი მიწის ზედაპირიდანვე რგოლებადაა დატოტვილი, სიმაღლით 50-60 სმ-ია, თითოეულ რგოლში 6-15 ცალი რკალისებრი მწვანე ფერის ზეაღმართული ღეროა.

ლათინური დასახელება: Eguisetum arvense.

გავრცელება: იზრდება ყველგან მინდვრებში, ხევების პირას, საძოვრებზე და ტყის ნაპირებში.

სამკურნალო ნედლეული: გამოიყენება შვიტას ბალახი

ქიმიური შემადგენლობა: შვიტას ბალახი შეიცავს კრემიუმის, აპოტინის, ვაშლის და სხვა მჟავებს, ვიტამინ C-ს და კაროტინს.

გამოყენება: გამოიყენება გამხმარი ბალახი ნახარშის ან თხევადი ექსტრაქტის სახით როგორც შარდმდენი, სისხლდენის შემაჩერებელი საშუალება, სახსრების რევმატიზმისას, აგრეთვე გულის და თირკმლების დაავადებისას.

© საქართველოს მეცნიერებათა აკადემიის ქუთაისის სამეცნიერო ცენტრი. 2003.