აღწერილობა: დაბალი ბუჩქია წაგრძელებული კვერცხისგვარი ღია მწვანე ზამთარში მცვენი ფოთლებით, ყვავილებს აქვს მომწვანო მოვარდისფრო გვირგვინი, კენკრა შავია, ცვილისებრი ნაფიფქით, გემოთი სასიამოვნო, მომჟავო-მოტკბო.

ლათინური დასახელება: .

გავრცელება: იზრდება იმერეთის მაღალმთიან რაიონებში (ხონი, ჭიათურა, წყალტუბო, ვანი, ტყიბული), შეიძლება ნედლეულის დამზადება სამრეწველო მიზნებისათვის.

სამკურნალო ნედლეული:  კენკრა და ფოთლები

ქიმიური შემადგენლობა: მოცვის ნაყოფებში არის მთრიმლავი ნივთიერებები, ლერწმის შაქარი, ლიმონის და ვაშლის მჟავები, ვიტამინი C, ფოთლებში – განსაკუთრებული ნივთიერება – მირტილინი, რომელიც ხელს უწყობს შაქრის შემცირებას სისხლსა და შარდში.

გამოყენება: რეკომენდირებულია შაქრის დიაბეტის სამკურნალოდ, მოცვის ნახარში და ნაყენი გამოიყენება ბავშვებში კუჭაშლილობის სამკურნალოდ და ენტეროკოლიტების დროს მოზრდილებში. გარდა ამისა, მოცვის კენკრას აქვს ფართო გამოყენება კვების მრეწველობაში ლიქიორ-ჩამომსხმელ და საკონდიტრო ნაწარმის დამზადებისათვის და ნატურალური წითელი საღებავის მიღებისათვის.



 

© საქართველოს მეცნიერებათა აკადემიის ქუთაისის სამეცნიერო ცენტრი. 2003.