აღწერილობა: ბუჩქოვანი მცენარეა დატოტვილი ეკლიანი ღეროებით, ეკლები მაგარია, ნამგლისებური, ყლორტები მწვანეა, ღეროები რუხი-მოწითალო ქერქით. კენტფრთართელი ფოთლები მწვანე, ზოგჯერ მთავარი ღერძის გასწვრივ მოკლე, იშვიათი ბეწვებით, ყვავილები მარტოულია, თეთრი, მქსალი-ვარდისფერი ან ვარდისფერი, ნაყოფი კენკრისებურია, ცრუ, წვნიანი, სხვადასხვა ფორმისა, იშვიათად მრგვალი, ღია ან მუქი-წითელი ფერის, ნაყოფის შიგა კედლები მოფენილია მრავალრიცხოვანი ჯაგრისებური ბუსუსებით, რომელთა შორის მოთავსებულია მრავალი მკვრივი ნაყოფი – კაკალი.

ლათინური დასახელება: .

გავრცელება: იმერეთში გვხვდება ასკილის რამდენიმე სახეობა

სამკურნალო ნედლეული: ნაყოფები

ქიმიური შემადგენლობა: შეიცავს C, A და B2 ვიტამინებს, არის შაქრების მნიშვნელოვანი რაოდენობა, ლიმონმჟავა, მთრიმლავი ნივთიერებები.

გამოყენება: ხალხში უხსოვანი დროიდან გამოიყენება ასკილის ნაყოფები სხვადასხვა დაავადებათა სამკურნალოდ და გამამაგრებელ საშუალებად, ასკილი გამოიყენება აგრეთვე როგორც ვიტამინური და ნაღველმდენი მცენარე, მისი ნაყოფებიდან ამზადებენ ექსტრაქტებს, პოლივიტამინურ ჩაის და ნაყენებს.

© საქართველოს მეცნიერებათა აკადემიის ქუთაისის სამეცნიერო ცენტრი. 2003.