აღწერილობა: ფოთლები რთული, კენტფრთათული გრძელყუნწიანია, 5-9-მდე ოვალური ფოთოლაკებით: ცალკეული ფოთოლაკიც აგრეთვე განიერი, 15 სმ სიგრძისაა. წლის განმავლობაში შეინიშნება ნაყოფების განვითარება. ნაყოფის ტიპი ცრუ კურკაა, სრული მომწიფებისას შავდება, სკდება და ადვილად სცილდება მის შიგა ნაწილს. მის შიგნით 4 ფრთიანი ლებანია, რომელიც დაფარულია თხელი მუქი გარსით, ხოლო ქვეშ მოთავსებულია ზეთოვანი გემრიელი ნაყოფის გული.

ლათინური დასახელება: Jugans regia.

სამკურნალო ნედლეული: უმწიფარი ნაყოფი და ფოთლები.

ქიმიური შემადგენლობა: კაკლის უმწიფარი წვრილი ნაყოფები მდიდარია C-ვიტამინით, ფოთლებში C-ვიტამინის რაოდენობა განვითარებასთან ერთად თანდათანობით მატულობს და მაქსიმუმს აღწევს ვეგეტაციის შუა პერიოდში. ფოთლების მთავარ ღირსებას შეადგენს კაროტინის დიდი რაოდენობა. გარდა ამისა აღმოჩენილია B₁ ვიტამინი, მთრიმლავი ნივთიერებები და მღებავი ნივთიერება იუგლონი, რომელსაც გააჩნია ბაქტერიოციდული მოქმედება, ეთერზეთების კვალი.

გამოყენება: ფოთლების ნახარშს იყენებენ საფენების სახით, რაც ხელს უწყობს ჭრილობის შეხორცებას, ბავშვებში სურავანდისა და რაქიტის წინააღმდეგ. ნაყოფები წარმოადგენს პოლივიტამინურ საშუალებას.

© საქართველოს მეცნიერებათა აკადემიის ქუთაისის სამეცნიერო ცენტრი. 2003.